بنت الخدامة
تاني يوم..
كان نازل الشغل لقاها لابسة لبس خروج وبتجهز علشان تخرج
_انتي رايحة فين؟
_عندي مشوار مهم لازم اروحه
_مشوار اية؟! وبعدين انا مش قولت مفيش خروج غير بأذني
اتنهدت_ طيب ممكن اخرج
_اعرف رايحة فين الاول
_هشتري شوية حاجات لـ المطبخ و..
سألها بنفاذ صبر_ اية؟
_هدور علي شغل
_طيب ادخلي اوضتك.. انا هخلي سهي تشتري حاجات المطبخ
_قولت ادخلي اوضتك
_والشغل؟
_انسيه.. طول ما انتي علي ذمتي مصاريفك عليا، سامعة؟
_مينفعش..
_لا ينفع.. اية اللي يمنعه اصلا؟
بص لساعته_ انا متأخر.. لازم امشي، لما اجي ابقي نتكلم براحتنا، لكن انسي حكاية الشغل دي
ومشي وسابها
_هتعملي اية؟
قالتها سهي من وراها، اللي بقيت صديقتها وتعرف كل حاجة بتحصل معاها
سهي بقلق_ نور.. يوسف بية لو عرف هيطين عيشتك
_ما هو كدا كدا مطينها.. انا همشي
ومشيت.. وسهي بتبص علي مكانها بقلق.. خاصةً وهي عارفة قد اية يوسف مبيحبش حد يكسر كلامه
دخلت اوضتها بعد ما رجعت من مقابلة الشغل، لقيت يوسف قاعد قدامها علي كرسي، وباين من قعدته انه مستنيها من زمان
_انا قولت اية؟
قال جملته وهو بيقرب منها_ انا اسفة، كانت فرصة ومينفعش اضيعها
_انتي كسرتي كلامي
_انا مش زيك.. معنديش اي حاجة، لو انت طلقتتي دلوقتي او طردتني مش هلاقي مكان يأويني، ارجوك افهمني، انا معاندتكش وخلاص
_انا قولتلك ان كل مصاريفك عليا
_خروجك من غير اذني مش هيعدي بالساهل
_اعمل اللي تعمله.. معدتش تفرق
_والله!
_يوسف انا تعبانة.. ارجوك قدر
_انا فاهم اللي بيحصلك ومقدر.. بس انا جوزك من حقي كلمتي تمشي عليكي
_حاضر.. هسمع كلامك لحد ما نطلق.. بس اسمحلي اشتغل لو وافقوا عليا
وسابها ومشي..
**
علي العشا..
كان بياكل لوحده.. دخلت هي بالمية_ انا عارفة اني مينفعش اعملك حاجة، بس سهي مش فاضية فأنا جبتلك مية
_اقعدي يانور
_ها؟
_اقعدي.. كلي معايا
_لا انا مش جعانة
_نور.. اقعدي لو سمحتي انا مش بحب اكل لوحدي
