رواية قسوة العشق (كاملة جميع الفصول)بقلم سوليية نصار

-انتي ملكي...ملكي أنا وبس فاهمة !!!

كان عمر ماسك الحزام وهو بيزعق فيا وانا كنت مرمية علي الأرض جسمي كله واج*عني من الضر*ب...وشي وارم وشفايفي بتن*زف...كنت ببكي بع*نف وهو بيص*رخ فيا كنت مر*عوبة منه وخايفة يق*تلني في يوم بسبب ضر*به ليا...

-ردي عليا فاهمة ولا مش فاهمة !!!

صرخ تاني وهو بيضر*بني علي جسمي بالحزام فضلت اصرخ وابكي وهو بيضر*بني من غير رحمة....

-فاهمة...فاهمة خلاص...

قولتها وانا بصر*خ وبعيط  ...رمي الحزام وهو بينهت وقعد جمبي...ش*د شعري جامد وقال:

- فاهمة ايه سمعيني كده....قولي فاهمة ايه..انطقي!!!

جسمي اترعش وانا بقول وانا ببكي:

-فاهمة اني ملكك...أنا ملكك..أنا ملكك...

ابتسم بانتصار وقال:

-برافو عليكي يا دنيا...كده تعجبيني...

زقني  بعنف وقال:

-يالا حضريلي العشا جعان...

قومت بسرعة رغم أن كل حتة في جسمي كانت بتص*رخ من الالم بس انا تحاملت علي نفسي وقومت  عشان اعمله الأكل...جسمي كان بيترعش من الخوف والعذ"اب اللي انا عايشاه...أنا اتجوزت عمر من سنتين..كان جواز تقليدي

انسان باين انه محترم ووضعه كويس وقتها اهلي وافقوا فورا وانا طبعا مكانش ليا أي قرار لان في بيتنا القرار كله يخص ابويا واللي يقوله أنا مفروض انفذه...اتخطبت لعمر وفي الخطوبة عيشني اجمل ايام حياتي...هدايا وكلام حلو خلاني طايرة لحد ما عشقته... واتجوزنا وعشنا شهر كله سعادة بس بعدها حياتنا اتقلبت 180درجة لما فجأة كنت بهزر مع يوسف ابن عمي ولما رجعنا عمر  ضر*بني بالقلم رغم ان يوسف يبقي اخويا في الرضاعة...اتصدمت وقتها أول مرة يمد ايده عليا وانا مكنتش فاهمة ايه السبب بس وقتها قررت اعدي وبدأت اتجنب يوسف عشان مضايقش عمر..بس بعدها بدأ الض*رب لأسباب تافهة...مرة عشان الاكل ناقص ملح...ومرة عشان الشاي مش مضبوط ومرة روحت عند امي واتأخرت...كان بيضر*بني ضر*ب صعب...روحت لاهلي وحاولت اطلق بس ابويا بنفسه رجعني وقتها قررت اني مخلفش منه وبدأت اخد حبوب الحمل...

فوقت وانا بطفي الن*ار بسرعة عشان الاكل ميتحر*قش وروحت اوديه علي السفرة....

-اه يا حبيبتي هنتقابل بكرة في شقتك.. مراتي لا متقدرش تنطق والا هض*ربها بالج*زمة...